محشش علق ثوبه في الدولاب ، طاح الثوب ، قال : الحمد لله اني ماكنت داخله !
*****
محشش يقول لمحشش جنبه : عيني حمراء ، وش أسوي ؟ قاله : اذا صارت خضراء امش !
*****
محشش دق على الخطوط بيحجز ، قاله الموظف : ذهاب واياب ؟ قال : لا ، خروج المغلوب!
*****
2 محششين قالهم الشرطي ليش عيونكم حمراء ؟ قالوا نقرب لبعض !
*****
محشش وأهله قاعدين حول أبوه يبي يموت ، يوم تقلبت عيونه صارت بيضاء ..
قال المحشش : بس وخروا وخروا يبي يرجع ريوس !
*****
3 محششين جالسين في خيمة من نوع أبو فتحتين ، ومامعهم ولاعة !
بسرعة قام واحد يجيب ولاعة وخرج من فتحة ودخل نفس الخيمة من الفتحة الثانية
وسألهم شباب عندكم ولاعة ؟
قالوا : اجلس خوينا بيجيب ولاعة لحظات بس ويرجع !
*****
محشش يسألونه في مقابله .. هل تحاسب نفسك ؟ قال أحيانا أحاسب وأحيانا قطه !
*****
أعمى يسكر مع شباب ، يوم داخ قام يبي يسري ، قالوا له : بدري ؟ قال : خلاص معاد أشوف !
*****
محشش طاح في حفره حاول يطلع 3 مرات ، قال:هذي آخر مرة إذا ماطلعت بأمشي !
*****
محشش جالس بالمقهى ، قال للجرسون: هات لي واحد قهوه وسط وأثنين هجوم !
*****
2 سكارى انقلبوا بالسياره ، واحد قال : أظن قلبنا ؟ رد الثاني : بدينا نوسوس !
*****
محشش قاعد يناظر مباراة ريال مدريد ، سمع المذيع يقول فاول لصالح رونالدو ،
قال : تصدقون توني أدري ان اسمه صالح !
*****
محششين مسلحين ، مسكوا واحد قالو له : انت معنا والا مع ذوليك ؟
قال : لا معكم ، قالوا : حنا ذوليك ، يالكلب !
*****
غبي ساقط العام ، قالوا له:ترى أسئلة هالسنة هي حقت العام ؟ قال: يعني أبسقط مره ثانيه !
*****
محشش محمل حجاج وقاعد يوصيهم :إن شديتوا حيلكم رجعنا قبل العيد !
*****
محشش يركض بالبيت صدم أمه ، قالت له : عمى يعميك ، ما شفتني ؟ قال : شايفك ، بس ماأدري وين !
*****
4 محششين راكبين سيارة ، وقفوا ، ثم ركبوا السيارة وتلخبطوا في الأماكن ، ثم ركب السواق ورى ، قال : يا شباب بدون مزح ثقيل ، اللي أخذ الدركسون يرجعه !
*****
دعاء النصراويين في السابق : اللهم فكني من الهلال ، أما حالياً : اللهم فكني وخلصني من (.....) !
*****
شباب حضران اتفقوا يطلعون للبر اسبوع يقنصون ومعهم السلوقي والشراب ، في الطريق اشتروا تيس ، بعدين لما سكروا قاموا ذبحوا السلوقي بدلاً من التيس ، وبعد تناول وجبة المظبي الدسمة مشوا بالليل ، بعدين حصلوا أرنب ، قاموا وهدوا التيس عليها !
(هذي مدري هي قصة وألا نكته ، المهم قالتها لي بنت اختي اللي تدرس في ثالث ابتدائي) !
*****
مره دق جرس الباب ، قال الولد لأمه : يمه لا تفتحين الباب ، يقولون ان الأمتحانات على الأبواب !
*****
فيه طالب يناظر باب الفصل ، قال المعلم : ايش تناظر ؟ قال الطالب : الإمتحانات على الأبواب !
*****
تعريف (إزهله) : عباره عفويه تبدأ بدق الصدر ، وتنتهي بالسجن 10 سنوات !
*****
(1)
محشش فتح بقالة وكتب على:
الكلوركس:-مضاد للحموضة
ماء النار:-مرطب للوجه
الباتكس:-معجون أسنان
النير:-شامبو ضد القشرة
سم الفئران:-حلاوة طحينية
الفكس:-مرهم عيون(٢)
(٢)
محشش احترق محله سألوه عسى ما خسرت واجد؟ قال أشوى إني كنت مسوي تخفيض(٣)
(٣)
واحد ضرب محشش كف. سأله مزح او جد؟ قال جد. قال احسن لأني ما احب المزح ابد
_
الخميس سبتمبر 23, 2010 5:13 pm
